ព្រះសីហនុ៖ អាជ្ញាធរខេត្តព្រះសីហនុកំពុងរៀបចំដំឡើងរូបសំណាក់ «ព្រះថោងនាងនាគ» ដែលគ្រោងនឹងតំឡើងឱ្យហើយនៅមុនថ្ងៃទី១៤ ខែមេសា ចូលឆ្នាំប្រពៃណីជាតិខ្មែរខាងមុខ។
នៅព្រឹកថ្ងៃទី៨ ខែមេសា ឆ្នាំ២០២២នេះ នាយឧត្តមសេនីយ៍ យូ ស៊ុនឡុង ប្រតិភូអមនាយករដ្ឋមន្ត្រីលោក ហ៊ុន ស៊ីថា និងអភិបាលខេត្តព្រះសីហនុលោក គួច ចំរើន បានចុះពិនិត្យសកម្មភាពនៃការលើកដំឡើងរូបសំណាក «ព្រះថោងនាងនាគ» នៅរង្វង់មូលព្រះថោងនាងនាគស្ថិតនៅរង្វង់មូលភូមិគគីរ ឃុំបិតត្រាង ស្រុកព្រៃនប់ ខេត្តព្រះសីហនុ ដើម្បីត្រៀមរៀបចំអភិ សេក ថ្ងៃឡើងស័កចូលឆ្នាំខ្មែរ ក្រោមអធិបតីភាពសម្តេចតេជោ និងសម្តេចកិតិ្តព្រឹទ្ធបណ្ឌិត។
តាមក្រុមការងារជំនាញបច្ចេកទេសបានឱ្យដឹងថា រូបសំណាកនេះត្រូវបានរៀបចំផ្គុំលើកដំឡើងដាក់លើបល្ល័ង និងអាចរួចរាល់មុនថ្ងៃទី១៤ ខែមេសា ឆ្នាំ២០២២ មុនពិធីបុណ្យចូលឆ្នាំថ្មីប្រពៃណីជាតិខ្មែរចូលមកដល់នាពេលខាងមុខ។
រូបសំណាក «ព្រះថោងនាងនាគ» មានកម្ពស់ ២១ម៉ែត្រ ដែលរចនាបទស្ថាបត្យកម្មដោយខ្មែរ ត្រូវបានដឹកពីប្រទេសចិនមកដល់កំពង់ផែស្វយ័តក្រុងព្រះសីហនុ នៅថ្ងៃទី២៥ ខែមីនា ឆ្នាំ២០២២ រូបសំណាកនេះនឹងដាក់បែរព្រះភ័ក្រឆ្ពោះទៅសមុទ្រ បង្ហាញពីទម្រង់ដំណើរយាងទៅជួបព្រះមាតាបិតានាងឋានភុជង្គនាគ ជានិម្មិតរូបនៃការកកើតទឹកដី វប្បធម៌ អរិយធម៌ ប្រពៃណី និងទំនៀមទម្លាប់របស់ខ្មែរ។
នៅថ្ងៃទី១៦ ខែមេសា ឆ្នាំ២០២២ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រានី ហ៊ុនសែន នឹងអញ្ជើញរៀបអភិសេករូបសំណាក់នេះដោយផ្ទាល់៕
